Հայտնի է դարձել, որ Փարիզի հանրահայտ Արվեստների կամուրջը առաջիկայում կազատվի հարյուր-հազարավոր կողպեքներից, որոնք կախված են վանդակապատերից:
Ինչպես տեղեկացնում է Euromag-ը` The Local-ին հղումով, այս ավանդույթը փարիզյան կամուրջը հասցրել է ծայրահեղ վիճակի։ Փարիզի քաղաքապետարանը և քաղաքապետ Ան Իդալգոն վերջապես որոշել են փրկել կամուրջը:
Արվեստների կամուրջը հուլիսին կփակեն երկու շաբաթով` բոլոր կողպեքները հանելու նպատակով: Քաղաքն արդեն պատվիրել է միջազգային նկարիչներին 110 վանդակապատի զարդարումը: