Գերմանիայի կանցլեր Անգելա Մերկելը գրանցվել է Instagram սոցցանցում` bundeskanzlerin անվանման ներքո և նշանավոր քաղաքական գործիչների հետ լուսանկարներ է հրապարակել, որոնց թվում են ՌԴ նախագահ Վլադիմիր Պուտինն ու Ուկրաինայի նախագահ Պյոտր Պորոշենկոն:
Ինչպես տեղեկացնում է РИА Новости-ն` կանցլերի էջին արդեն հետևում է 1000-ից ավել մարդ:
Առաջին իսկ օրը էջում ավելի քան 40 լուսանկար է հայտնվել` տարբեր միջոցառումներից:
Լուսանկարներից մեկում Անգելա Մերկելը պատկերված է զինծառայողների հետ զրուցելիս Սիրիայի հետ սահմանային թուրքական քաղաքում: Պատկերված է նաև Մերկելի զրույցը Հռոմի Ֆրանցիսկոս պապի հետ:
Instagram-ի օգտատերերի թիվը ողջ աշխարհում գերազանցում է 200 մլն-ը, ովքեր օրական 60 մլն լուսանկար են հրապարակում:
