Կարո Կարապետյանը՝ Յուվեցի Կարո -ն ըննդեմ Արթուր Զադոյանի պատմությունը նոր զարգացումներ է ստանում:Երեկ լուրեր տարածվեցին,որ ՀՀ ԱԱԾ ծառայության կողմից ճնշումներ են սկսվել Արթուր Զադոյանի շահերի պաշտպան Սուսաննա Սարգսյանի նկատմամբ: Լուրերի համաձայն վերջինս երկու օր առաջ հրավիրվել է ԱԱԾ,իսկ Փաստաբանների պալատում նրա նկատմամբ՝ ԱԱԾ մեկ այլ աշխատակցի դիմումի հիման վրա հարուցվել է կարգապահական վարույթ:
Այս թեմայով հեռախոսազրույց ունեցանք Արթուր Զադոյանի շահերի պաշտպան Սուսաննա Սարգսյանի հետ:
Իրականությանը համապատասխանո՞ւմ են այդ լուրերը ,թե ոչ:
Ես եղել եմ ՀՀ ԱԱԾ ծառայությունում,սակայն եղել եմ այնտեղ իմ պաշտպանյալ Ա,Զադոյանի հետ միասին,վերջինիս դիմումի հիման վրա ԱԱԾ քննչական ծառայությունում նախապատրաստվող նյութերով բացատրություն տալու համար:
Այնտեղ ոչ իմ ու ոչ էլ իմ վստահորդի հանդեպ ոչ մի ճնշումներ չեն եղել,եղել է զուտ աշխատանքային մթնոլորտ՝ օրենսդրության սահմաններում:
Ճանաչո՞ւմ եք ԱԱԾ աշխատակից Համլետ Հովանիսյանին,և եթե այո, ապա ի՞նչ հարաբերություններ ունեք նրա հետ և ինչո՞ւ է վերջինս բողոք գրել Ձեր դեմ Փաստաբանների պալատ:
Այո, ճանաչում եմ նրան 2014 թ-ի հունվարից, նա իրոք ներկայացել է որպես ԱԱԾ նախկին աշխատակից, ասել է, որ աշխատել է ԱԱԾ ոստիկանության հսկողություն իրականացնող վարչությունում, որ վերահսկել է ՀՀ Պետավտոտեսչությունը: Մի քանի ամիս աշխատել ենք միասին, մի քաղաքացիական գործով եղել եմ նրա ներկայացուցիչը: Սակայն հասկանալով, որ Հ.Հովհաննիսյանը փորձում է մեր հարաբերությունները մասնագիտական, գործնական հարաբերություններից փոխանցել այլ դաշտ, հրաժարվեցի նրա հետ աշխատելուց և խզեցի նրա հետ պայմանագիրը, ինչից հետո վերջինս անընդհատ հետապնդում է ինձ, զանգահարում, անընդհատ հանդիպում խնդրում, չհանդիպելու դեպքում խոստանում իմ կյանքը վերածել դժոխքի: Ես այդ ամենին հումորով եմ վերաբերվում,քանի որ հասկանում եմ,որ գործ ունեմ թերարժեքության բարդույթ ունեցող անձի հետ, ով իրեն պատկերացնում է՝ որպես Հայկական <>:
Կարո Կարապետյանի գործով՝ կապված Ձեր մասնագիտական գործունեության հետ, Ձեր նկատմամբ ճնշումներ եղե՞լ են:
Դրանք չի կարելի ճնշումներ անվանել, նույն Հ.Հովհաննիսյանն իմ այս գործում ներգրավվելուց հետո մի քանի անգամ զանգահարել է ինձ, փորձել համոզել, որ ես հրաժարվեմ այս գործից կամ օգտակար լինեմ հակառակորդ կողմին,նորից հանդիպում խնդրել,եկել տանս մոտ ժամերով սպասել,սակայն նորից իմ կողմից մերժում ստանալուց հետո, իր կարճ խելքով սպառնացել է, և հետո բողոք է հղել Փաստաբանների պալատ: Բողոք գրելուց հետո էլ փակ համարով զանգահարել և հանդիպման պայմանով խոստացել է հետ վերցնել բողոքը: Բնականաբար նորից մերժվել է:
Հնարավո՞ր է, որ Հ.Հովհաննիսյանը գործած լինի Կ.Կարապետյանի կամ Կ.Գրիգորյանի ցուցումով:
Ուղղակի բացառում եմ, որ Կ.Կարապետյանը կամ Կ.Գրիգորյանը դիմեն նման քայլի, բացառում եմ, քանի որ առաջին հերթին նման քայլի կարիք չունեն,երկրորդ՝ մենք կարողանում ենք տարանջատել մարդկային հարաբերությունները,կոլեգիալությունը և գործնականը,երրորդ՝ կարծում եմ, որ երբեք Կ.Կարապետյանը կամ Կ.Գրիգորյանը չեն կարող այդ աստիճանի ցածրանալ և ինչ- որ ընդհանուր բան ունենան Հ.Հովհաննիսյանի հետ: Ես վստահ եմ, որ վերջինս իմանալով համացանցից ,որ ես ներգրավված եմ այդ գործում, ուղղակի իր <> ոգով փորձել է ընդգծել իր հիվանդ երևակայությամբ սեփական անձի առավելությունը, գործին փորձել է ինտրիգ հաղորդել,տվել է մարդկանց անուններ,որ վստահ եմ չի էլ ճանաչում:
