ԱՄՆ Դաշնային պահուստային համակարգը պետք է հետաձգի տոկոսադրույքների բարձրացումը մինչև 2016թ.–ը։ Այս մասին ասվում է Արժույթի միջազգային հիմնադրամի հայտարարությունում։
«Բաց շուկայում գործառնությունների հանձնաժողովը պետք է զգայուն մնա ստացվող տվյալների նկատմամբ և հետաձգի տոկոսադրույքների առաջին բարձրացումն այնքան ժամանակ, քանի դեռ չեն հայտնվի գների կամ աշխատավարձերի բարձրացման ավելի ակնհայտ նշաններ, քան ներկա պահին»,– հաղորդվում է հիմնադրամի մամուլի հաղորդագրությունում, հաղորդում է «ՌԻԱ Նովոստին»։
Կազմակերպության կանխատեսման համաձայն, ԱՄՆ ՀՆԱ աճը 2015թ.–ին կկազմի 2,5 տոկոս` նախորդ տարվա 2,4 տոկոսի դիմաց։
