Տեղական ինքնակառավարման մարմինների ընտրությունների հաղթողները

Աբովյանի քաղաքապետի ընտրությունների նախնական արդյունքներով քաղաքապետ է ընտրվել Վահագն Գեւորգյանը:

Ընտրողների ցուցակներում ընդգրված է եղել 43 807 մարդ, որից ընտրություններին մասնակցել է 18 535 ընտրող:

Ձայները թեկնածուների միջեւ բաշխվել են հետեւյալ կերպ.

Վահագն Գեւորգյան - 11 227 ձայն,

Արթուր Հարությունյան (Պալաչ) – 5 459 ձայն,

Կարո Իսրայելյան – 526 ձայն,

Էդվին Թադեւոսյան – 520 ձայն,

Արթուր Հարությունյան – 159 ձայն:

Արտաշատում քաղաքապետի ընտրություններում, 10013 «կողմ» և 16 «դեմ» ձայներով քաղաքապետ ընտրվեց ՀՀ վարչապետ Հովիկ Աբրահամյանի որդի Արգամ Աբրահամյանը:

Ընտրությանը մասնակցել է 10382 ընտրող։

253 թերթիկ «անվավեր» է ճանաչվել:

Ընտրողների մասնակցությունը չի անցել 50 տոկոսի սահմանագիծը:

Լոռու մարզի Ալավերդի քաղաքի քաղաքապետի ընտրություններին 16468 ընտրողներից ընտրությանը մասնակցել է 8970-ը:

Թեկնածուներից Կարեն Փարեմուզյանի օգտին քվեարկել է 5143 մարդ կամ ընտրողների 59,12 տոկոսը:

Արթուր Աբգարյանի օգտին քվեարկել է 3580 մարդ կամ ընտրողների 41,15 տոկոսը, 271 քվե եղել է անվավեր:

Այսպիսով ձայնների առավելությամբ Ալավերդու քաղաքապետ է ընտրվել Կարեն Փարեմուզյանը՝ փոխարինելով Արտավազդ Վարոսյանին:

analitik.am կայքը շնորհավորում է նոր քաղաքապետերին։ Մաղթում նրանց ժողովրդանպաստ գործունեություն։ Ցանկանում ենք, որպեսզի նրանք իրենց նախընտրական խոստումների կեսը իրագործեն։