ՌԴ և Ադրբեջանի նախագահներ Վլադիմիր Պուտինը և Իլհամ Ալիևը շաբաթվա վերջում Բաքվում կայանալիք հանդիպմանը կքննարկեն երկկողմ համագործակցության հարցեր, քաղաքական հարցեր և Լեռնային Ղարաբաղի հիմնախնդիրը, ստորագրման որևէ փաստաթուղթ առայժմ չի ծրագրվում, լրագրողներին ասել է ռուս առաջնորդի օգնական Յուրի Ուշակովը, գրում է ՌԻԱ Նովոստին։
2014 թվականին ՌԴ–ի և Ադրվեջանի միջև ապրանքաշրջանառության ծավալը հասել էր ռեկորդային ցուցանիշի և կազմել 4 մլրդ դոլար, ինչը 12 տոկոսով ավելի է նախորդ տարվա համեմատ։ Այս տարվա առաջին եռամսյակում ապրանքաշրջանառությունն ավելացել է 5.8 տոկոսով 2014 թվականի նույն ժամանակահատվածի համեմատ և կազմել է 707 միլիոն դոլար։
«Երկու երկրների միջև առևտրային փոխանակումների հետագա ընդլայնմանը կնպաստի Սամուր սահմանամերձ գետի վրայով ավտոմոբիլային նոր կամրջի կառուցումը 2013 թվականի օգոստոսի 13–ի միջկառավարական համաձայնագրին համապատասխան»,– ասել է Ուշակովը։
