Ինչպես հաղորդում է Ռիա Նովոստի գործակալությունը, ԻՊ ահաբեկչական խմբավորման գրոհայինները օգտագործելով քլորին, նպատակ են հետապնդում ստեղծել քիմիական զենք:
Այս մասին հայտնել է Ավստրալիայի արտգործնախարար Ջուլի Բիշոպը, նշելով, որ գրոհայինները քիմիական զենք ստանալու աշխատանքներում ներգրավել են բարձորակ մասնագետների:
Արտգործնախարարը ԻՊ-ը համարում է միջազգային անվտանգությանը սպառնացող ամենաիրական վտանգ՝ նշելով, որ այն իր արմատներն է ձգել նաեւ Ավստրալիայում:
Ավելի վաղ իրաքյան իշխանությունները հայտնել էին, որ ԻՊ ահաբեկիչները հունվար ամսին թունաքիմիկատներ էին օգտագործել Իրաքի հյուսիսում ծավալված ռազմական գործողությունների ժամանակ:
