ԱՄՆ նախագահ Բարաք Օբաման մեկնաբանել է Ֆուտբոլի միջազգային ֆեդերացիայում (ՖԻՖԱ) ծագած սկանդալը: Ինչպես փոխանցում է Lenta.ru-ն, Սպիտակ տան ղեկավարի կարծիքով` կազմակերպությունը պետք է գործի ազնիվ և թափանցիկ:
«Եվրոպայում տեղի ունեցած զրույցներում մարդիկ ընդգծում էին, որ իրենց համար շատ կարևոր է ՖԻՖԱ-ի թափանցիկ և պատասխանատու աշխատելու հնարավորությունը», - ասել է Օբաման Գերմանիայում անցկացվող G7-ի գագաթնաժողովում:
ԱՄՆ նախագահն ընդգծել է, որ ֆուտբոլը ոչ միայն խաղ է, այլև` «խոշոր բիզնես, ազգային անհավանական հպարտության աղբյուր»: Նրա խոսքով` ֆուտբոլը մեծ հետաքրքրություն է առաջացնում ԱՄՆ-ում, և ամերիկյան իշխանությունները ձգտում են, որ ֆեդերացիան ազնիվ աշխատի:
