Բելգիացի մրցավարների խումբը Սերժ Գյումյեննիի գլխավորությամբ կսպասարկի ԵՎՐՈ–2016–ի ընտրական փուլի շրջանակում Հայաստան–Պորտուգալիա խաղը, որը տեղի կունենա հունիսի 13–ին Երևանում։
Նրա օգնականները կլինեն Ֆրանկ Բլեյենը և Ջիմմի Կրեմերսը, չորրորդ պաշտոնյան է Տիբո Նիյսենը, իսկ մրցավարի լրացուցիչ օգնականներն են Ալեքսանդր Բուկոն և Բարտ Վերտենտենը:
Ընտրական փուլում Հայաստանի հավաքականը մեկ միավորով կիսում է վերջին տեղը սերբերի հետ։ Սակայն հայ ֆուտբոլիստներն անցկացրել են չորս խաղ` մեկ խաղով ավել, քան սերբերը։
Չորս հանդիպումներից հետո 9 միավորով խմբի առաջատար են պորտուգալացիները, յոթական միավոր ունեն Ալբանիայի (3 խաղ) և Դանիայի (4 խաղ) հավաքականները։
