Բաքվում ընթացող Եվրոպական խաղերի ընթացքում Հայաստանն առաջին հաղթանակն է գրանցել։
Այդ մասին հայտնել է Եվրոպական խաղերում հայկական պատվիրակության խոսնակ Կարեն Գիլոյանը։
«Ընդունեք շնորհավորանքներս: Առաջին հաղթանակն ունենք»,- ֆեյսբուքյան իր էջում գրել է Գիլոյանն ու լուսանկար հրապարակել։
Հունահռոմեական ոճի ըմբշամարտի 59 կգ քաշային կարգի պայքարում Ռոման Ամոյանն իր առաջին մենամարտում 6:0 հաշվով հաղթել է պորտուգալացի Ժոաու Կարվալյուին:
Կարեն Գիլոյանը նաև տեղեկացնում է, որ Ամոյանի հաջորդ մրցակիցը կլինի Ռուսաստանը ներկայացնող Ստեփան Մարյանյանը։
