Գերմանիայի Բունդեսթագը մշակել է Ադրբեջանում մարդու իրավունքների հետ կապված իրավիճակին առնչվող բանաձև`Բաքվում Եվրոպական խաղերի մեկնարկի կապակցությամբ:
Փաստաթուղթը նախապատրաստել են քրիստոնյա դեմոկրատները, քրիստոնյա սոցիալիստները, Գերմանիայի սոցիալ դեմոկրատական կուսակցության անդամները:
Բանաձևը քննադատում է մարդու իրավունքների ոլորտում ստեղծված իրավիճակն Ադրբեջանում: Գերմանացի պատգամավորները նշել են, որ նախորդ տարվանից Ադրբեջանի կառավարությունը լռեցրել է երկրի գրեթե բոլոր անկախ ու ընդդիմադիր ԶԼՄ-ներին:
