Գերմանիայի դատախազությունը փակել է կանցլեր Անգելա Մերկելի հեռախոսի գաղտնալսման գործի հետաքննությունը: Գրում է «Գազետա.ռու»-ն՝ հղում անելով Associated Press-ին:
Դատախազության ներկայացուցչի խոսքերով՝ իրենց չի հաջողվել հավաքել ապացույցներ, որոնք հնարավոր կլիներ ներկայացնել դատարանում:
Դատախազությունում հայտարարել են, որ հետաքննության ընթացքում չեն հայտնաբերվել փաստաթղթեր, որոնք կարող էին հաստատել կանցլերին գաղտնալսելը:
Ավելի վաղ հաղորդվել էր, որ Գերմանիայի դատախազությունը կես տարվա ընթացքում Մերկելի հեռախոսի գաղտնալսման ապացույցներ չի գտել:
