Թբիլիսիի բենզալցակայանի տարածքում հայտնաբերվել է ջրհեղեղի ժամանակ կենդանաբանական այգուց փախուստի դիմած աֆրիկյան պինգվինը:
Աֆրիկյան պինգվիններին 2014թ. Թբիլիսիի կենդանաբանական այգուն նվիրել էր Մեծ Բրիտանիայի Տորկի քաղաքի Living Coasts կենդանաբանական այգին:
Երեկ հաղորդվել էր, որ աֆրիկյան պինգվինին նկատել են վրաց-ադրբեջանական սահմանին գտնվող Կարմիր կամրջի մոտ: Դրանից հետո կենդանաբանական այգու աշխատակիցները հապշտապ մեկնել էին դեպքի վայր՝ պինգվինին գտնելու և հետ վերադարձնելու համար, սակայն նրան չէին հայտնաբերել:
Վրացական «Ռուսթավի 2» հեռուստաընկերության փոխանցմամբ՝ հատուկ ծառայությունները պինգվինին արդեն իսկ վերադարձրել են կենդանաբանական այգի՝ անվտանգ վայր:
