Հունիսի 24-25-ը արտաքին գործերի նախարար Էդվարդ Նալբանդյանի հրավերով Չեխիայի արտգործնախարար Լյուբոմիր Զաորալեկը պաշտոնական այց կկատարի Հայաստան:
Նախատեսված են Չեխիայի ԱԳ նախարարի հանդիպումները ՀՀ ԱԺ նախագահ Գալուստ Սահակյանի, վարչապետ Հովիկ Աբրահամյանի հետ:
Հունիսի 25-ին կկայանան Հայաստանի և Չեխիայի արտգործնախարարների բանակցությունները եւ համատեղ մամլո ասուլիսը։ Էդվարդ Նալբանդյանն ու Լյուբոմիր Զաորալեկը ներկա կգտնվեն Երեւանում Չեխիայի դեսպանատան պաշտոնական բացման արարողությանը:
Չեխիայի արտգործնախարարը կայցելի Ծիծեռնակաբերդ՝ հարգանքի տուրք մատուցելու Հայոց ցեղասպանության զոհերի հիշատակին:
Լյուբոմիր Զաորալեկը Էջմիածնում կմասնակցի Չեխիայի Լիդիցե քաղաքի պատվին փողոցի անվանակոչման արարողությանը:
