Թուրքական Haber 3 լրատվական կայքի հաղորդմամբ` աշխարհահռչակ դաշնակահար Տիգրան Համասյանը Հայաստանի պետական կամերային երգչախմբի հետ միասին Վանի Աղթամար կղզում համերգ է տվել:
Համասյանը Թուրքիայի, Հայաստանի, Վրաստանի, Լիբանանի, Ֆրանսիայի, Շվեդիայի, Բելգիայի, Չեխիայի, Բրիտանիայի, Գերմանիայի, Լյուքսեմբուրգի, Ռուսաստանի ու ԱՄՆ-ի ընդհանուր առմամբ 100 եկեղեցիներում համերգներով է հանդես գալու։
«Լույս ի լուսո» խորագրով համերգաշարը մինչև հունիսի 30-ը շարունակվելու է Թուրքիայի տարբեր քաղաքներում։
Աղթամարում կայացած համերգին մասնակցել են նաև Վան նահանգը ներկայացնող պաշտոնյաներ։
