Եղիսաբեթ 2-րդ թագուհին ու Գերմանիայի կանցլեր Անգելա Մերկելը Բեռլինում շրջել են նավակով: Ամերիկյան Associated Press լրատվական գործակալության փոխանցմամբ՝ թագուհին եռօրյա գերմանական այցի ընթացքում հանդիպել է Մերկելի հետ, և նրանք միասին նավակով շրջել են Շպրեե գետում:
Բացի այդ, Եղիսաբեթ 2-րդն ու նրա ամուսինը՝ արքայազն Ֆիլիպը, հանդիպել են Գերմանիայի նախագահ Յոահիմ Գաուկի հետ, ինչպես նաև ծրագրում է ուրբաթ հանդիպել Բեռլինի բնակիչների հետ և այցելել Բերգեն-Բելզենի նացիստական համակենտրոնացման ճամբար:
