ԱՄՆ անընդհատ աճող արտաքին պետական պարտքը առաջիկա 10 տարիներին սպառնում է խեղդել երկրի տնտեսական աճը:
Այս մասին գրում է ամերիկյան The Washington Times պարբերականը, նշելով, որ նման մտավախություն է առաջացել Կոնգրեսի բյուջեի վերաբերյալ զեկույցից հետո:
Զեկույցի համաձայն՝ առաջիկա տարիների սպասվում է եկամտի կտրուկ անկում, ինչը կհանգեցնի ԱՄՆ պետական պարտքի աճման ռեկորդային մակարդակին:
Հանրապետական կոնգրեսական Թոմ Պրայսի խոսքերով արտաքին պարտքի աճը վերահսկողությունից դուրս է մնացել, իսկ փորձագետների կարծիքով ներդրողների մոտ որոշակի պայմաններում առաջ կգա անվստահություն պետության նկատմամբ, ինչը վերջին հաշվով նոր ֆինանսական ճգնաժամի կհանգեցնի:
Ուստի ամերիկյան հաջորդ նախագահը պետք է գործի արագ ու արդյունավետ, կրճատի բյուջեի ծախսերն ու ավելացնի հարկերը:
Ներկա պարտքը չգերազանցելու համար շարքային ամերիկացին պետք է վճարի տարեկան 750 դոլար հավելյալ հարկ:
