Փաթեթավորման վրա պատահական սխալը չի կարելի խախտում համարել: Այդ մասին հայտնել է «Բոնիլաթ» ընկերության սեփականատեր Գարիկ Սարուխանյանը՝ մեկնաբանելով Հայաստանի Պետական հանձնաժողովի կողմից սահմանված պատժամիջոցը տնտեսական մրցակցության պաշտպանության համար, որը սահմանվել է նոյեմբերի 29-ին:
Հիշեցնենք, որ ընկերությանը մեղադրել էին անբարեխիղճ մրցակցության մեջ, երբ Գերմանական միջազգային համագործակցության ասոցացիայի(GIZ) աշխատակցուհիներից մեկը Երևանում թան էր գնել, որի պիտակի վրա անգլերեն հատվածում «Պատրաստված է 100 տոկոս պաստերիզացված կաթից»-ի փոխարեն գրված էր «100 պաստերիզացված կաթ»: Տեքստի հայերեն հատվածում սխալներ չեն եղել: Սխալը միայն մեկ լիտրանոց շշի վրա է եղել. մյուս տարաների հայերեն ու անգլերեն տեքստում սխալներ չեն եղել: Արդյունքում պետական հանձնաժողովը տուգանել էր նախորդ տարվա եկամուտի 1 տոկոսի չափով:
«Համաձայն եմ, սխալ եմ թույլ տվել, կուղղեմ, ըստ էության, արդեն ուղղել եմ: Սակայն հստակ երևում է, որ պատահական է: Իսկ ինձ խաբեբա են դարձնում. իբր իմ թանն ավելի էժան է, ու ես ջուր եմ ավելացնում: Նման անհիմն մեղադրանքներից ոչ մեկ չի շահում»,- նշել է Սարուխանյանը՝ հավելելով, որ անպայման կվիճարկի Պետական հանձնաժողովի որոշումը:
