Բրիտանացի գիտնականները «ռոբոտ-ընկեր» են ստեղծել՝ պարզելու համար, թե արդյոք մեքենան կարող է ընկերանալ մարդու հետ, և եթե այո, ապա որքան ժամանակում։ Ինչպես նշում է Daily Mail-ը, նոր ռոբոտը կոչվում է Էրվին. այն արդեն փորձարկման փուլում է։
Աղբյուրը հավելում է, որ եթե գիտնականները ստանան իրենց ակնկալած արդյունքը, ապա այս ռոբոտի հիման վրա կարող են «խելացի» խաղալիքներ ստեղծվել աուտիզմով կամ մտավոր զարգացվածության հետ կապված այլ հիվանդություններով տառապող երեխաների համար։
Մասնագետների համաձայն՝ Էրվինն ունակ է մարդու հետ շփման ընթացքում արտահայտել 5 հիմնական զգացմունք, որոնք անհրաժեշտ նախապայման են մտերմություն սկսելու համար։
