Կենտրոնական բանկը տեղեկացնում է, որ ՀՀ օրենսդրության համաձայն` Հայաստանի Հանրապետություն տարածքում գործող գրավատները կարող են տրամադրել միայն անձնական օգտագործման շարժական գույքի գրավով ապահովված կարճաժամկետ սպառողական վարկեր: Ընդ որում` սպառողական վարկերը տրամադրվում են բացառապես ՀՀ դրամով:
Հաշվի առնելով վերոնշյալը, հայտնում ենք, որ գրավատների կողմից արտարժույթով վարկեր առաջարկելն անօրինական է, եւ նման դեպքերում հորդորում են դիմել Կենտրոնական բանկ` զանգահարելով (010) 592 697 հեռախոսահամարին:
Նշենք, որ Analitik.am-ը տեղեկացրել էր գրավատան կողմից արտարժույթով վարկերի տրամադրման դեպքերի մասին։
