Այսօր «Անալիտիկ» կենտրոնում տեղի ունեցած ասուլիսի ժամանակ ՀՀ Արտակարգ իրավիճակների նախարարության Հիդրոմետ ծառայության օդերևութաբանության կենտրոնի պետի տեղակալ, աշխարհագրական գիտությունների թեկնածու Գագիկ Սուրենյանը ներկայացրեց հուլիս ամսվա և առաջիկա օրերի եղանակակլիմայական պայմանների կանխատեսումը:
«Հուլիսը համարվում է ամռան ամենաշոգ ամիսը: Ամենաշոգ հուլիսը եղել է 1941, 1948, 1962, 2010, 2011 թվականներին:
Այս տարվա հուլիս ամսվա միջին ջերմաստիճանը կլինի նորմայի սահմաններում, հանրապետության հարավային շրջաններում նորմայից պակաս ջերմաստիճան կդիտվի:
Ամսվա ընթացքում եղանակը կտատանվի 32-34 աստիճանի սահմաններում: Անձրևները կշարունակվեն, հանրապետության հյուսիսային շրջաններում անձրևների հաճախականությունը ավելի մեծ կլինի, հյուսիսային շրջաններում կրկին մեծ է կարկտահարման վտանգը: Երևանում հնարավոր է, որ ջերմաստիճանը մեկ կամ երկու օր բարձրանա մինչև 38 աստիճան»:
Ներկայացնելով անցած ամսվա եղանակակլիմայական պայմանները, բանախոսը նշեց. «Ունեցել ենք բավական անկայուն հունիս՝ զով և տեղումնառատ: Տեղումների քանակը կազմել է 100-150 տոկոս»:
Գագիկ Սուրենյանը նշեց, որ անցած ամիս կայանների կողմից ֆիքսվել է 28 կարկտահարության դեպք:
