Այսօր «Անալիտիկ» կենտրոնում տեղի ունեցած ասուլիսի ժամանակ «Գալիկյան» փաստաբանական գրասենյակի տնօրեն, ՀՀ փաստաբանների պալատի անդամ Գարիկ Գալիկյանը լրագրողների հետ զրույցի ժամանակ, անդրադառնալով վերջին շրջանում ոստիկանություն-քաղաքացի-ԴԱՀԿ-առևտրային բանկեր հակասություններին , ասաց. «Դատական ակտերի հարկադիր կատարման մասին» ՀՀ օրենքում լրացումներ կատարելու մասին» ՀՀ օրենքի նախագիծը ոչինչ էլ չի փոխի: Այսօր խոսում են, որ հիմնականում 15 հազար դրամ, կամ 25 հազար դրամ տուգանքի համար կալանքի տակ է դրվում իրենց ողջ բանկային հաշիվները, այսինքնˋ ավելի մեծ գումար: Հետևաբար մարդը տեղյակ չի լինում, որ վարչական պատասխանատվության է ենթարկվել, նրան ծանուցում չի ուղարկվում ու երեք ամիս հետո հանկարծ տեսնում է, որ կալանքի տակ է դրված իր բոլոր բանկային հաշիվները: Ու մարդը նոր իմանում է, որ ինքը տուգանքի է ենթարկվել: : Մարդիկ գնում են հանգստի ու հանկարծ պարզվում է, որ իրենց քարտային հաշիվները կալանքի տակ են ու չեն կարողնաում գումար հանել »,-նշեց Գալիկյանը:
Գարիկ Գալիկյանը այդպիսի հակասություն է ունեցել ԴԱՀԿ-ի հետ, և լինելով փաստաբան՝ մինչև վերջ պայքարել է իր իրավուքնների պաշտպանությա համար:
«Ես փաստաբան եմ, դիմեցի, պաշտպանեցի իմ իրավունքները: Մյուսները կարող է չդիմեն, որովհետև փաստաբանական ծառայությունները վճարովի են և ամեն մեկը չէ, որ 25 հազար դրամ տուգանքի համար կսկսի պայքարել իր իրավունքների պաշտպանության համար: Ու ստիպված կարող են վճարել այդ 25 հազար դրամ տուգանքը: Այսօր ոչ ոք երաշխավորված չէ։ Մարդը տեսնում է, որ արգելանքի տակ է դրված իր բանկային հաշիվները ու նոր իմանում, որ 3 ամիս առաջ կարմիր գծերի խախտում է արել, կամ արագությունն է գերազանցել ու այժմ իր վրա տուգանք է եղել »:
Գարիկ Գալիկյանը տեղեկացրեց, որ «Գալիկյան» փաստաբանական գրասենյակը նախաձեռնություն է իրականացնում անվճար փաստաբանական ծառայություն մատուցելու այն մարդկանց համար, ովքեր նման հակասություն են ունեցել ԴԱՀԿ-ի հետ: