«Կարեն Դեմիրճյանի անվան մարզահամերգային համալիրի անվանումը փոխվել է և այժմ դրա անվանումն է «Ծիծեռնակաբերդի մարզահամերգային համալիր»: Բացի այդ մարզահամերգային համալիրին տրվել է նաև զորամասի կարգավիճակ», -այս մասին այսօր «Անալիտիկ» կենտրոնում տեղի ունեցած ասուլիսի ժամանակ ասաց Կ. Դեմիրճյանի անվան մարզահամերգային համալիրի մամուլի և հասարակայնության հետ կապերի բաժնի պատասխանատու Կորյուն Գրիգորյանը:
Կորյուն Գրիգորյանը այսօր լրագրողների հետ հանդիպմանը զինվորական համազգեստով ներկայանալը մեկնաբանեց այսպես. «Համալիրին տվել են զորամասի կարգավիճակ և «ստիպված» ենք համազգեստով աշխատել այնտեղ: Կան լուրեր, որ Սպայի տունը տեղափոխվելու է մարզահամերգային համալիր»:
Բանախոսը տեղեկացրեց, որ Մարզահամերգային համալիրը ԴԱՀԿ-ն հանձնել է ֆինանսների Նախարարությանը, ոչ թե Պաշտպանության նախարարությանը, ուղղակի, այժմ ամեն ինչ գտնվումէ ՊՆ-ի ձեռքի տակ.«Անկախության տոնը ամենակարևոր տոնն է, որը մենք նշում ենք ամեն տարի, իսկ ամենավեհ գաղափարը անկախություն է: Սակայն այս տարի պետությունը այն նշեց զավթած օբյեկտում՝ ապօրինի շահագործելով ուրիշի գույքը: Այդ միջոցառման համար, իմ կարծիքով, այդ քայլը նորմալ չէր: Ուրիշի գույքը առանց տիրոջ թույլտվության օգտագործելն արգելվում է ու հանցագործություն է, սակայն դա տեղի է ունեցել: Մենք խնդրել էինք անջատել լույսը, սակայն սեպտեմբերի քսանմեկին միացրել էին լույսերը և այդ ամեն ինչը տեղի էր ունենում մեր հաշվին: Այսինքն՝ կա օրենքի կոպիտ խախտում»:
Կորյուն Գրիգորյանը նշեց, որ իրենք բազմիցս բարձրաձայնել ու պահանջել են, որպեսզի ԴԱՀԿ-ի բոլոր որոշումները ճանաչվեն առ ոչինչ. «Այս հարցով դիմել էինք ՊՆ-ին, սակայն մնացինք անարձագանք, դիմել ենք նաև ՄԻՊ-ին և գործն ուսումնասիրվում է, գլխավոր դատախազին ենք դիմել, սակայն նույնպես անրձագանք է մնացել: Սակայն կա մի լավ բան՝ երկուշաբթի օրը՝ վարչական դատարաանում, հնարավորություն կունենանք լսել այս գործը, հուսանք՝ արդար որոշում կկայացվի: Գույքի հետ կապված ԴԱՀԿ-ն դեռ ոչ մի բան չի ասել, այս ամեն ինչը պետական մակարդակով աբսուրդ է, պետությունը խախտում է օրենքները»: