Այսօր «Անալիտիկ» կենտրոնի հյուրն էր նախկին պատգամավոր, ԵՊՀ դասախոս Վարդան Խաչատրյանը: Խոսելով ՀՀ ներքաղաքական զարգացումների, եռյակի նոր հանրահավաքի մասին, բանախոսը նշեց. «Շատ դժվար է հասկանալ, թե եռյակն ի՞նչ էր միասնական պահանջում: Հաջորդ հանրահավաքը, որը հոկտեմբերի քսանչորսին է նախատեսված, նույնպես հասկանալի չէ, թե ինչի՞ համար է լինելու: Արդյոք հերթական սահմանային իրավիճակի մեջ մտնելուց Հայաստանը դոմինոյի իրավիճակում չի ենթարկվի: Այժմ Հայաստանի արտաքին քաղաքական իրավիճակը նույնպես շատ լարված է, եթե հաշվի առնենք ԻԼԻՊ-ի գոյությունը հարևան երկրներում: ՀՀ-ի համար արտաքին իրավիճակը երբեք այսքան լուրջ չի եղել, ինչպես այսօր է: Պետք է նժարների վրա դրվեին ԵՄ ասոցացման ստորագրումն ու ԵՏՄ մուտք գործելու հարցը: Սակայն դրանք խորությամբ մեր քաղաքական դաշտում չքննարկվեցին, քանի որ ներքաղաքական լուրջ բևեռացում գոյություն ուներ»:
Բանախոսը նշեց, որ Հայաստանը անդամակցելով ԵՏՄ-ին, ունի մի քանի նպատակ՝ վերականգնել ազդեցությունը, երկրորդ վերականգնել տնտեսական գիտական և այլ կապերը. «Մենք ժամանակին այս տարածքում եղել ենք բավականին ազդեցիկ երկիր, սակայն այսօր Հայաստանի ազդեցությունը այս տարածքներում իջել է և մեզ համար շատ վատ է, երբ այսօր Ղազախստանն է ինչ-որ բաներ թելադրում»:
Հայաստանի անվտանգության առումով ԵՏՄ-ում տատանում չի կարող լինել, քանի որ հայտարարվեց, որ ԵՏՄ-ն ՆԱՏՕ-ին հավասար դաշինք է և ԵՏՄ-ի համար կամայական դաշնակցի հանձնումը ինքնասպանություն կլինի, այդ պատճառով էլ որոշվեց ՀԱՊԿ-ն կազմալուծել: