Ներկայացված է տարվա լավագույն քաղաքապետ կատեգորիայում J11
Ծնվել է 1962 թվականի հունվարի 20-ին Ջերմուկ քաղաքում:
1978թ. ավարտել է Ջերմուկի թիվ 2 միջնակարգ դպրոցը:
1978թ. ընդունվել է Երևանի ֆինանսատնտեսագիտական տեխնիկում, որն ավարտել է 1980թ.` ստանալով հաշվապահի որակավորում:
1980թ. աշխատանքի է անցել Ջերմուկի կուրորտվարչությունում որպես հաշվապահ:
1981-1983թթ. ծառայել է խորհրդային բանակում:
1983թ. վերադարձել է իր նախկին աշխատանքին Ջերմուկի կուրորտվարչությունում:
1985-ից 1987թ. սովորել է Մոսկվայի կուրորտվարչությունների տնօրենների և փոխտնօրենների որակավորման բարձրացման դպրոցում:
1988 թ. փետրվարին նշանակվել է Ջերմուկի կուրորտվարչության գլխավոր բժշկի տեղակալ, 1990 թ. հունվարից` «Գլաձոր» առողջարանի գլխավոր բժշկի տեղակալ, իսկ 1996թ. մարտին` Ջերմուկի «ԵՐԱԶ» առողջարանի տնօրեն:
1997 թվականից մինչև 2006թ. աշխատել է «Հայաստանի էլ.ցանցեր» ընկերության Ջերմուկի մասնաճյուղում որպես տնօրեն:
1996թ. ընտրվել է Ջերմուկի համայնքի ավագանու անդամ ` այդ պաշտոնում վերընտրվելով մինչև 2006 թ. կայացած բոլոր ընտրություններով:
2006թ. ընտրվել և 2010 թ. վերընտրվել է Ջերմուկի համայնքի ղեկավար:
Հայաստանի Հանրապետական կուսակցության անդամ է:
Ամուսնացած է, ունի երկու որդի, մեկ թոռնիկ:
Հասարակական- քաղաքական գործունեության ընթացքում պարգևատրվել է.
ՀՀ վարչապետի կողմից հուշամեդալով` տեղական ինքնակառավարման մարմինների կազմավորման և կայացման գործում ակտիվ մասնակցության համար:
Հայաստանի շախմատի ակադեմիայի հիմնադիր- նախագահ Ս. Լպուտյանի կողմից շնորհակալագրով` «Ջերմուկ-2008» շախմատի միջազգային մրցաշարը հովանավորելու և աջակցելու համար:
«ՀԱՅՈՑ ԱՐԾԻՎՆԵՐ» հայրենասիրական հասարակական կազմակերպություն հիմնադիր- նախագահ Խաչիկ Ասրյանի կողմից պատվոգրով և ոսկե հուշամեդալով
ԼՂՀ «Մայրություն» ՀԿ նախագահի կողմից «Մայրական երախտագիտություն» մեդալով` Արցախի ազատության պայքարում կատարած հատուկ ծառայությունների համար:
Հայաստանի շախմատի ակադեմիայի հիմնադիր-նախագահ Ս. Լպուտյանի կողմից վկայագրով` Վայոց ձորի մարզում շախմատի զարգացման գործում մեծագույն ներդրումների համար:
ՀՀ նախագահ, ՀՀԿ նախագահ Սերժ Սարգսյանի կողմից պատվոգրով` ՀՀԿ 20-ամյակի կապակցությամբ և կուսակցական ակտիվ գործունեության համար:
Համազգային վստահություն հանրային խորհրդի կողմից կազմակերպված մրցանակաբաշխության այս տարվա արդյունքներով Ջերմուկի քաղաքապետ Վարդան Հովհաննիսյանը համաժողովրդական քվեարկության արդյունքում հանրային ծառայության ոլորտում ճանաչվել է լավագույնը և արժանացել «Տարվա լավագույն քաղաքապետ» մրցանակին:
2013թ. Ջերմուկ քաղաքը արժանացել է մի շարք մրցանակների՝
ՀՀ էկոնոմիկայի նախարարության և «Arm Tourism» ինտերնետային ամսագրի կողմից կազմակերպված «Arm Tourism Awards» ամենամյա մրցանակաբաշխությանը Ջերմուկը մասնակցել և «Առողջարանային տուրիզմը զարգացնելու համար» անվանակարգում հաղթող է ճանաչվել : Այս մրցանակաբաշխությանը, որին մասնակցել են նաև մի քանի տասնյակ համայնքներ ու առանձին կազմակերպություններ` ՀՀ-ից և Արցախից, ներկայացված էին նաև Ջերմուկ համայնքի մի շարք առողջարաններ, հյուրանոցներ և ռեստորաններ, որոնցից մի քանիսը ևս վերադարձել են մրցանակներով:
Տարածքային կառավարման նախարարության և «Հայաստանի համայնքների միության» կողմից հայտարարված «Լավագույն համայնք 2013» մրցանակաբաշխության ժամանակ Ջերմուկ քաղաքային հանայնքին շնորհվեց մրցանակ «Մաքուր համայնք 2013» անվանակարգում:
2013թ ընդլայնվել են նաև միջպետական կապերը՝ համագործակցության հուշագրեր են ստորագրվել Չեխիայի Կարլովի-Վարի և Ղազախստանի Շուչինսկ քաղաղաքների հետ, կազմակերպվել են տարբեր երկրների դեսպանների բազմաթիվ ճանաչողական այցեր՝ զբոսաշրջության զարգացման նպատակով: