Շիրակի պետական համալսարանի մոտ դասախոսներն ու ուսանողները բողոքի ակցիա են սկսել՝ պահանջելով ռեկտոր Սահակ Մինասյանի հրաժարականը: Ակցիայի մասնակիցները նաև ցանկանում են հանդիպել Կրթության և գիտության նախարարի պաշտոնակատարի հետ:
Ավելի վաղ հայտնել էինք, որ Մինասյանն աշխատանքից հեռացրել է դասախոսներ Հովհաննես Խորիկյանին և Գագիկ Համբարյանին, իսկ երեկ՝ նաև պրոռեկտոր Անահիտ Ֆարմանյանին, ով ԱԺ ՀՀԿ խմբակցության պատգամավոր Սամվել Ֆարմանյանի քույրն է:
Տիկին Ֆարմանյանն Analitik.am-ի հետ զրույցում հայտարարել էր, որ իրեն աշխատանքից հեռացնելը վրեժխնդրություն է:
