Հասարակություն 

Բանակը ոչ մի պարագայում չի կարող վարկաբեկվել, իսկ նրա գլխավոր հրամանատարը կարող է. Պարգև Օհանյան

Նախկին դատավոր Պարգև Օհանյանը ֆեյսբուքյան իր էջում գրում է.

«Բանակը ոչ մի պարագայում չի կարող վարկաբեկվել:Իսկ այ նրա գլխավոր հրամանատարը կարող է, և շատ հեշտությամբ՝ընդամենը մի հրամանով:Այն հրամանով,որով գլխավոր հրամանատարը դուրս գալով օրենքով իրեն վերապահված իրավասությունների շրջանակից,առանց ռազմական դրության,զորահավաք է հայտարարում և բանակը ներգրավում երկրում հաստատված սահմանադրական կարգը՝ ժողովրդի իշխանությունը տապալելու և իշխանությունը բռնությամբ պահելու համար,որպիսի արարքը համապատասխանում է արարքի կատարման ժամանակ գործող քրեական օրենսգրքի 300-րդ հոդվածի հատկանիշներին,այլ ոչ թե գործող օրենսգրքի 300.1 հոդվածի հատկանիշներին...

Արարքի հանցավորությունը և պատժելիությունը որոշվում է այն կատարելու ժամանակ գործող քրեական օրենսգրքով:

Ինչ վերաբերում է պատճառաբանությանը,թե 0038 հրամանը տրվել է կանխելու համար զինված ուժերի ներքաշումը քաղաքական գործընթացներին,քանի որ երկու փոխնախարար «հայտարարել էին նման մտադրության մասին»,ապա,մեղմ ասած,հիմնավոր չէ,քանի որ այդ հարցը կարելի էր լուծել,ընդամենը, այդ փոխնախարարներին պաշտոնից ազատելով և նրանց զրկելով /հեռացնելով/ «հրամանատարական լծակներից»,ինչն արվեց հետագայում...Իրականում ակնհայտ է,որ 0038 հրամանը դեռ փետրվարի 23-ին տրվել էր,հատկապես, ԵԿՄ անդամներին ու միության նախագահ Մանվել Գրիգորյանին /ումից,կարելի է ասել,կախված էր ժողովրդի իշխանության վերջնական հաստատումը և ով,ի վերջո,լքեց ժողովրդին,որի համար վարձատրվեց անպատժելիության իրավունքով/ զսպելու և Ազատության հրապարակի խաղաղ հանրահավաքը բռնությամբ ցրելու համար...»:

  • 103
  •  
  •  
  •  
  •  
  • 1
  • 4
  •  
  •  
  •  
    108
    Shares

Related Articles