Տարածաշրջանում պաշտոնական այցով գտնվող Գերմանիայի կանցլեր Անգելա Մերկելն այսօր առավոտյան արդեն ժամանել է Ադրբեջան: Բաքվի օդանավակայանում գերմանական կառավարության ղեկավարին դիմավորել են երկրի առաջին փոխվարչապետ Յագուբ Էյուբովը, ԱԳ նախարարի տեղակալ Հալաֆ Հալաֆովը և այլ պաշտոնյաներ:
Ինչպես հայտնում են տեղի ԶԼՄ-ները, Մերկելն արդեն ընդլայնված կազմով բանակցություններ է ունեցել Ադրբեջանի նախագահ Իլհամ Ալիևի հետ:
Ավելի վաղ Գերմանիայի կանցլերը հայտարարել էր, որ Ալիևի հետ խոսելու է նաև իր պատվիրակության անդամ Ալբերտ Վայլերին մուտքի վիզա չտալու մասին:
