Ինչպես արդեն տեղեկացրել ենք, Մարալիկի համայնքապետ Արտակ Գևորգյանի հրաժարականը պահանջող քաղաքացիները փակել են համայնքապետարանի մուտքը, որը դեռ շարունակում է փակ մնալ:
Հոկտեմբերի 8-ին Մարալիկում տեղի է ունեցել ավագանու նիստ, որի ընթացքում որոշվել է, որ համայնքապետարանի աշխատանքները շարունակվելու են «Անի» համայնքի 16 համայնքապետարաններից մեկում:
Այսօր Analitik.am-ի հետ կապ հաստատեց Գևորգյանի համակիրներից Առաքելը և հայտնեց, որ Մարալիկի համայնքապետարանը դեռ փակ է. «Մարալիկի համայնքապետարանի դռները դեռ փակ են, քանի որ Գևորգյանի հրաժարականը պահանջող քաղաքացիները չեն դադարեցրել նստացույցը, սակայն Գևորգյանը համայնքապետարանի աշխատանքների բնականոն ընթացքն ապահովել է:
Մեզ հետ զրույցում Առաքելը նշեց նաև, որ սուտ լուրեր են պտտվում համայնքապետի հրաժարական տալու մասին. «Լուրեր են պտտվում, որ Գևորգյանը հրաժարական է տալու, բայց նման բան չկա, ես հերքում եմ դա: Նման բան լինել չի կարող»,- ասաց նա:
Օֆելի Իսրայելյան