Սաուդցի լրագրող Ջամալ Խաշոգջիի մասնատված դին հայտնաբերվել է Սաուդյան Արաբիայի՝ Ստամբուլի գլխավոր հյուպատոսության տարածքում գտնվող ջրհորի մեջ: Այս մասին հայտնում է Լենտան-ն՝ հղում անելով թուրքական «Հայրենիք» կուսակցության ղեկավար Դողու Փերինչեքին:
«Իշխանությունները Խաշոգջիի մարմնի մասերը գտել են Սաուդյան հյուպատոսության տարածքում գտնվող ջրհորի մեջ», - հայտարարել է նա:
Այս տեղեկատվության պաշտոնական հաստատումը դեռ չկա:
Հիշեցնենք, որ սաուդցի լրագրող Ջամալ Խաշոգջին անհետացել է հոկտեմբերի 2-ին, իսկ Սաուդյան Արաբիան նրա մահվան փաստը հաստատեց հոկտեմբերի 20-ին։
