Տեսա, որ մի քանի հարգարժան ֆրենդներ իրենց էջում մի տեղեկություն են տարածել, որը, մեղմ ասած, իրականության հետ լուրջ խնդիրներ ունի.
1 - դավթաշենցի պաշտոնյային աշխատանքից չեն հեռացրել, այլ առաջարկել են տեղափոխվել այլ ստորաբաժանում,
2 - պատճառը եղել է պաշտոնյայի խնդրահարույց վարքագիծը՝ քաղաքացիների հետ շփումներում,
3 - քաղաքապետն այդ հարցով որևէ հանձնարարական որևէ մեկին չի տվել (քաղաքապետը վարչական շրջանի աշխատակազմերի կադրերով չի զբաղվում), և 3,5 - այս ամենը պաշտոնյայի կուսակցական պատկանելության հետ որևէ կապ չունի:
Հետաքրքիրն այն է, որ Մարությանին քննադատողների կեսը նախընտրում է դժգոհել, որ «հները» անմիջապես չեն հեռացվում, իսկ մյուս կեսը, որ հեռացվում են:
Իրականությունը, սակայն այլ տեղ է. քաղաքապետն ու նրա թիմը կադրերի ընտրության հարցում չեն առաջնորդվում նրանց «թարմության» աստիճանով կամ առանձնապես՝ քաղաքական նախասիրություններով: Ասում եմ առանձնապես, որովհետև որոշակի մակարդակի վրա, իհարկե, կարևոր է, որ գործընկերներդ քո՛ քաղաքական թիմի անդամ լինեն: Իսկ միջին ու ստորին վարչական օղակներում ամենևին կարևոր չէ աշխատակցի կուսակցական պատկանելությունը, կարևորը պրոֆեսիոնալիզմն է՝ իր բոլոր դրսևորումներով:
Երևանի քաղաքապետի խոսնակ Հակոբ Կարապետյան
