Վաշինգտոնը տեղեկություն չի հայտնել Մոսկվային Արգենտինայում Պուտին-Թրամփ հանդիպման հնարավոր չեղարկման մասին: ՏԱՍՍ-ի հետ զրույցում հայտարարարել է ՌԴ նախագահի խոսնակ Դմիտրի Պեսկովը:
Ավելի վաղ ԱՄՆ նախագահ Դոնալդ Թրամփը հայտարարել էր, որ Կերչի նեղուցի շուրջ ստեղծված իրավիճակի պատճառով հնարավոր է չհանդիպի Պուտինի հետ:
Պեսկովը նաև արձագանքել է Թրամփի այն հայտարարությանը, թե իրեն դուր չի գալիս հարցի արդյունքում առաջացած ագրեսիան:
«Եթե նա ագրեսիա անվանում է ուկրաինական ռազմական նավերի գործողությունները, դա կարելի է քննարկել՝ եղել է այն ագրեսիա, թե՝ ոչ: Իսկ եթե նա ագրեսիա է անվանում ռուսական կողմի գործողությունները՝ ուղղված պետական սահմանն անօրինական կերպով խախտելուն, ապա դրա հետ մենք համաձայն չենք»,-ասել է Պեսկովը:
