Վերաքննիչ քրեական դատարանում այսօր մեկնարկում է Ռոբերտ Քոչարյանի խափանման միջոցի հարցի քննությունը:
Երեկ՝ նոյեմբերի 28-ին, դատարանը մերժել էր Քոչարյանի փաստաբանների միջնորդությունը դատավորին ինքնաբացարկ հայտնելու մասին, իսկ արդեն այսօր սկսվում է բուն գործի քննությունը:
Ավելի վաղ ՀՀ գլխավոր դատախազ Արթուր Դավթյանը, ով ևս մասնակցում է դատական նիստերին, հայտնել էր, որ այս փուլում անհրաժեշտություն կա, որ Քոչարյանը լինի կալանքի տակ: