Հունվարի 9-ին, ժամը 03:50-ին «911» ծառայությանն ահազանգ է ստացվել, որ Երևան քաղաքի Դավթաշեն 4-րդ թաղամասում էլեկտրական մալուխները պոկվել և ընկել են. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «Յուքոմ» ընկերությանը պատկանող սյունն ընկել է ավտոճանապարհի երթևեկելի հատված, ինչի հետևանքով վնասվել են մալուխներ, իսկ երթևեկությունը երկկողմանի փակվել է:
Փրկարարներն էլեկտրական ցանցի աշխատակիցների հետ համատեղ սյունը հեռացրել են ավտոճանապարհի երթևեկելի գոտուց:
Նշենք, որ ավելի ուշ Յուքոմ ընկերությունը հաղորդագրություն տարածեց այն մասին, որ տվյալ սյունը չի պատկանում Յուքոմ ընկերությանը:
