Արցախի ԱԽ քարտուղար Վիտալի Բալասանյանն ընդունել է ՀՀ ՀՔԾ պետ Սասուն Խաչատրյանի «մարտահրավերը» և պատրաստ է բանավեճի:
«Ծանոթացա Հայաստանի Հատուկ քննչական ծառայության պետ Սասուն Խաչատրյանի մեկնաբանությանը հունվարի 28-ին Եռաբլուրում լրագրողների հարցերին ի պատասխան իմ հնչեցրած պատասխանների վերաբերյալ։ Ընդունում եմ Սասուն Խաչատրյանի հրավերը՝ իրավական տեսանկյունից քննարկելու վերը նշված իրադարձությունները գործի նյութերին ծանոթանալուց հետո»,-ասված է Բալասանյանի հայտարարության մեջ: