գլխավոր Հասարակություն 

Իրավիճակը ծայրահեղ լարվել է. Քոչարյանի պաշտպանը՝ Իմ քայլի պատգամավորի գրառման մասին

Իրավիճակը ծայրահեղ լարվել է: Այսօր՝ մայիսի 18-ին, լրագրողների հետ հանդիպմանը հայտարարեց Ռոբերտ Քոչարյանի պաշտպաններից Հայկ Ալումյանը՝ անդրադառնալով Իմ քայլը խմբակցության պատգամավոր Հայկ Սարգսյանի հայտարարությանը և հավելելով, որ սա դատարանի նկատմամբ բիրտ ճնշում է:

Ալումյանը նշեց, որ Հայկ Սարգսյանը, լինելով իշխանական պատգամավոր, կոպտորեն խախտում է Քոչարյանի անմեղության կանխավարկածը՝ վերջինիս մեղադրելով հանցագործությունների մեջ, որոնց մասին նույնիսկ ՀՔԾ-ի մեղադրանքում չկա:

Քոչարյանի պաշտպանը նաև Սարգսյանին մեղադրեց Սահամանդրական կարգը տապալելու փորձի մեջ՝ կոչ անելով ՀՀ նախագահին կատարել Սահմանդրությամբ իր վրա դրված պարտավորությունը՝ ապահովել Սահմանադրական կարգը:

Ալումյանը նաև կոչ արեց իրավապահներին թույլ չտալ, որպեսզի այդ հավաքը տեղի ունենա: Նա դիմեց նաև վարչապետ Փաշինյանին, որպեսզի վերջինս գոնե վերջին պահին կանխի այն, ինչը Հայկ Սարգսյանը նշել է իր հայտարարության մեջ:

Ալումյանը դիմեց նաև ԲԴԽ-ի ղեկավար Գագիկ Հարությունյանին, որպեսզի վերջինս քայլեր ձեռնարկի ու կատարի իր պարտավորությունները՝ պաշտպանելով դատավորներին:

Փաստաբանը դիմեց Հայաստանում աշխատող միջազգային կազմակերպություններին ևս՝ կոչ անելով հետևել Հայաստանում ծավալվող իրադարձություններին:

Ավելի վաղ հայտնել էինք, որ Հայկ Սարգսյանը կոչ է արել բոլորին հավաքվել Քոչարյանի գործը քննող դատարանի մոտ: Նա ավելի ուշ ջնջել էր գրառումը և կիսվել այլ ֆեյսբուքյան էջի գրառմամբ, որն ունի նույն բովնադակությունը:

  • 89
  •  
  •  
  • 1
  •  
  • 1
  •  
  •  
  •  
    91
    Shares

Նույն շարքից