Քննարկել ենք գրեթե ամեն ինչ՝ ինչպես վերջին շրջանում մեկնաբանությունների տեղիք տվող հարցեր, այնպես էլ այլ հարցեր, այդ թվում՝ դատարան ներկայացրած երաշխավորության հարցը՝ կապված Ռոբերտ Քոչարյանի հետ: Այս մասին Ազատության հետ զրույցում հայտարարել է Իմ քայլը խմբակցության ղեկավար Լիլիթ Մակունցը՝ խոսելով մայիսի 20-ին խորհրդարանում Արցախի նախագահ Բակո Սահակյանի հետ կայացած հանդիպման մասին:
Մակունցը նշել է, որ քննարկվել են հարցր, որոնք վերաբերում են հետագա աշխատանքներին. «Կարծում եմ, որ պարոն նախագահն արդեն հանգամանալից պատասխանել է լրագրողների հարցերին»:
Հարցին, թե բավարարված են արդյո՞ք Իմ քայլի մտահոգությունները, Մակունցն ասել է, թե չգիտի՝ ինչ ասել է մտահոգությունները բավարարվածը. «Մտահոգությունները հնչեցվել են, հետագա աշխատանքների հետ կապված առաջարկները երկկողմանի հնչեցվել են»:
