Իրավական Վերլուծական 

Հայաստանում դեմագոգիայի հաղթանակը կհանգեցնի ԵՄ-ի կոշտ արձագանքին

Երկուշաբթի օրը Եվրոպական դատարանը որոշել է, որ Լեհաստանում դատաիրավական օրենսդրության բարեփոխումները «խախտում են ԵՄ օրենսդրությունը»: Բանն այն է, որ Լեհաստանի քաղաքական իշխանությունն այդ բարեփոխումների շրջանակներում կրճատել է Գերագույն դատարանի դատավորի կենսաթոշակային տարիքը, ինչը, ըստ եվրոպական դատարանի, միջամտություն է դատական իշխանության անկախությանը և խախտում է դատավորների անփոփոխելիության սկզբունքը:

Լեհաստանում 2015 թվականին իշխանության եկած քաղաքական ուժի կողմից կատարած օրենսդրական փոփոխություններով (իրենք կոչում են բարեփոխումներ) Գերագույն դատարանի դատավորների համար պաշտոնավարման համար նախատեսված մինչև 67 տարեկանը փոխել և դարձրել է 60՝ կանանց և 65 տարեկան տղամարդկանց համար: Սա Լեհաստանի քաղաքական իշխանությանը հնարավորություն է տվել ազատվել որոշ դատավորներից և նրանց փոխարեն նոր (իրենց հարմար) դատավորներ նշանակել:

Լեհաստանի իշխանությունը պնդում էր, որ այդ փոփոխություններն անհրաժեշտ են երկրում դատարանների արդյունավետության բարձրացման համար, սակայն եվրոպական կառույցներն այդ գործողությունները որակել են միջամտություն դատական իշխանության անկախությանը: Եվրոպական դատարանը, մասնավորապես, պնդել է որ՝ «այդ փոփոխություններն օրինական չեն և խախտում են դատավորների անփոփոխելիության սկզբունքը, ինչը կարևոր պայման է դատական իշխանության անկախության համար»:

Այս ամենի լույսի ներքո դիտարկելով ՍԴ «անդամ» և «դատավոր» եզրույթների շուրջ ստեղծված դեմագոգիկ մեկնաբանությունները հասկանալի է դառնում, որ մեր երկրում դեմագոգիայի հաղթանակը կբերի ԵՄ-ի կոշտ արձագանքին:

Հետո չասեք, թե չէինք ասել․․․

Արսեն Բաբայան

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից