ՌԴ նախագահ Վլադիմիր Պուտինի հասցեին վիրավորական հայտարարություններից հետո վրացական «Ռուսթավի2» հեռուստաալիքի աշխատակիցներից երկուսն ազատվել են աշխատանքից՝ ի նշան բողոքի: Այս մասին հայտնում է Sputnik Վրաստանը:
Հեռացողներից մեկն օպերատեր Լևան Մարգվելաշվիլին, ով գործակալության տեղեկություններով, ցույցի ժամանակ մի կողմ է նետել տեսախցիկն ու հայտարարել՝ «Ես ընտանիք ունեմ, չեմ ուզում, որ ինձ վիրավորեն»:
Մյուս հեռացողը Լևան Ռոստոմաուլին է, ով մասնակցում է Վրաստանում հայտնի «Подруги моей жены» սերիալի աշխատանքներին:
Ավելի վաղ հեռուստաալիքով տեղի ունեցածը դատապարտել էին երկրի նախագահն ու վարչապետը, ինչպես նաև նախկին նախագահ Միխեիլ Սաակաշվիլին:
