Երևանի ընդհանուր իրավասության դատարանի Կենտրոն և Նորք Մարաշ վարչական շրջանների նստավայրում շարունակվում է ԵԿՄ վարչության նախկին նախագահ Մանվել Գրիգորյանի գործով դատական նիստը։ Նիստն ընդմիջվել էր, որպեսզի ապահովվի Գրիգորյանի ներկայությունը:
Քիչ առաջ Մանվել Գրիգորյանը անվասայլակով ներկայացավ, նրան նիստերի դահլիճում դիմավորեցին ծափահարություններով:
Այսօրվա նիստում Գրիգորյանի պաշտպանները նախագահող դատավորին ինքնաբացարկի մասին միջնորդություն ներկայացրեցին:
Դատարանը հեռացավ խորհրդակցական սենյակ, որոշումը հրապարակվելու է 30 րոպեից:
