Ռուսաստանին զարմացրել է Սիրիայի հյուսիսում նոր ռազմական գործողություն անցկացնելու պատրաստակամության մասին Թուրքիայի հայտարարությունը: Այս մասին հայտարարել է Ռուսաստանի պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը, փոխանցում է ՏԱՍՍ-ը։
Պաշտպանության նախարարությունում նշել են, որ Թուրքիայի արտգործնախարարության հայտարարությունը կարող է սրել իրավիճակը տարածաշրջանում:
Մոսկվան կարծում է, որ Ռուսաստանը լիովին կատարել է քրդերին Թուրքիայի հետ սահմանից դուրս բերելու իր պարտավորությունները:
Կոնաշենկովը շեշտել է, որ իրավիճակը կարգավորելու համար տեղակայվում են լրացուցիչ ռազմական ոստիկանության ուժեր և դաշտային հոսպիտալներ, որոնցում տեղի բնակիչները օգնություն են ստանում:
