Իրավական Տեսանյութեր 

Տերմինալի գողությունը կանխվել է. Ոստիկանությունը տեսանյութ է հրապարակել

Ոստիկանության Երևան քաղաքի վարչության քրեական հետախուզության բաժնի և Քանաքեռ-Զեյթունի բաժնի քրեական հետախուզության բաժանմունքի ծառայողները նոյեմբերի լույս 18-ի գիշերը Դրոյի փողոցում տեղադրված «Թել Սելլ» վճարային տերմինալի գողության դեպք են կանխել։ Այս մասին Analitik.am-ը տեղեկանում է ՀՀ ոստիկանության պաշտոնական կայքից։

Քրեական հետախույզներն օպերատիվ ճանապարհով տեղեկություններ էին ստացել, որ երեք երիտասարդ պետք է վճարային տերմինալը գողանային։

Նրանք տերմինալը տեղահան էին արել ու փորձել հափշտակել, սակայն ոստիկանները բռնել էին հենց դեպքի վայրում։

Երևանի բնակիչներ 20 ու 26-ամյա երիտասարդները բերման ենթարկվեցին ոստիկանության Քանաքեռ-Զեյթունի բաժին։

Անձնական խուզարկությամբ նրանցից մեկի մոտ հայտնաբերվեց թմրամիջոցի նմանվող դեղնականաչավուն այրված հետքերով կաթուցիչ, իսկ մյուսի մոտ՝ ծալովի դանակ, որոնք առգրավվեցին՝ հետագա գործողությունների համար։

«Թել Սելլ» ընկերության անվտանգության պատասխանատուից հաղորդում է ընդունվել։

Նշանակվել են փորձաքննություններ։

Դեպքի հանգամանքները պարզվում են։

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից