Աբխազիայում հիվանդանոցում մահացել են «Սան Ռեմո» ռեստորանի մատուցողուհին ու վիրավորներից ևս մեկը, ովքեր տուժել էին օրենքով գող Աստամուր Շամբայի ուղղությամբ արձակված կրակոցներից: Այս մասին հայտնում է Ինտերֆաքսը:
Մահացած տղամարդը եղել է օրենքով գողի հետ նույն սեղանի շուրջ նստած, իսկ մատուցողուհին հրաձգության պահին սեղանի մոտ է գտնվել: Հիվանդանոցում շարունակում է գտնվել ևս երեք վիրավոր, ովքեր գտնվում են ծանր վիճակում:
Հիշեցնենք, որ միջադեպը տեղի է ունեցել այսօր կեսօրին:
