Ինչպես արդեն հայտնել ենք, ԵՊՀ ուսանողները պատրաստվում են նստացույց անել ռեկտորի ԺՊ-ի ընդունարանի մոտ՝ պահանջելով հանդիպում վերջինիս հետ:
Քիչ առաջ ԵՊՀ անվտանգության աշխատակիցներն ուսանողներին խնդրեցին նստացույցն անել ոչ ընդունարանի մոտ, որպեսզի չխանգարեն աշխատանքային պրոցեսին:
Ուսանողները խոստացել են, որ չեն խանգարելու, իսկ հիմա փորձում են փոխզիջումային տարբերակ գտնել, որպեսզի ավելորդ լարվածություն չլինի:
Ակցիայի մասնակիցները լուսաբանվող հանդիպում են պահանջում ռեկտորի հետ. «Մեր պահանջները կներկայացնենք ռեկտորի պաշտոնակատարին, կփորձենք փոխզիջումային տարբերակ գտնել»:
Ուսանողները պատրաստվում են ռեկտորի պաշտոնակատարի հետ հանդիպմանը բարձրացնել նաև ակցիաներին մասնակցողների բացակաների հարցը, ինչպես նաև տարբեր ձևերով ճնշումների հարցը, որոնք գործադրվել են ուսանողների նկատմամբ:
Այս պահին ուսանողները սպասում են ռեկտորի պաշտոնակատարի պատասխանին:
