Ուկրաինայի ոստիկանությունը երկու տղամարդու է ձերբակալել, ովքեր կասկածվում են Կիևի շրջանային խորհրդի պատգամավոր Վյաչեսլավ Սոբոլևի 3 տարեկան որդու սպանության մեջ: Այս մասին հայտնում են երկրի ոստիկանությունից:
Ուկրաինայի ՆԳՆ ղեկավարի տեղակալ Անտոն Գերաշչենկոն հայտարարել է, թե արդեն պարզ է, որ հանցագործությունը պատվիրված է եղել և կապ ունի պատվիրատուի ու պատգամավորի միջև հարաբերությունների հետ:
Պատգամավորի ավտոմեքենան կրակահերթի տակ հայտնվել է դեկտեմբերի 1-ին: Միջադեպի արդյունքում մահացել է վերջինիս փոքրիկը, ով այդ պահին եղել է ավտոմեքենայի սրահում:
