Միջուկային հրթիռի արձակման համար նախատեսված ճամպրուկն առաջին անգամ ցուցադրվել է բաց վիճակում: Այն ցուցադրել են «Ռազմական ընդունելություն» հաղորդման եթերում, փոխանցում է Լայֆը:
Հակառակ կինոյի և հեռուստատեսության սցենարիստների երևակայությունների, հրթիռի մեկնարկի կոճակը պարզվել է սպիտակ է: Ծրագրի հաղորդավար Ալեքսեյ Եգորովն ասել է, որ հենց այս հատուկ ճամպրուկն է պահվում ռազմածովային ուժերի սպայի մոտ։
«Այս ճամպրուկն, անշուշտ, նոր չէ, այն 50 տարվա պատմություն ունի: Այնուամենայնիվ, սա հեռուստատեսության պատմության մեջ առաջին դեպքն է, երբ միջուկային ճամպրուկը թույլատրվում է ցուցադրել բաց տեսքով»,-ասել է Եգորովը։
Ծրագրի հյուրը նշել է, որ ճամպրուկի բաղադրիչներից մեկը ֆլեշ քարտն է, որը հրթիռներ արձակելու բանալիներից մեկն է:
