Իրավական 

Մի քանի մարդ ցանկություն է հայտնել երաշխավորել Ռոբերտ Քոչարյանի համար

Մի քանի մարդ ցանկություն է հայտնել երաշխավորել Հայաստանի երկրորդ նախագահ Ռոբերտ Քոչարյանի համար։ Այս մասին տեղեկացրել է փաստաբան Արամ Օրբելյանը լրագրողների հետ զրույցում։

Այնուամենայնիվ, փաստաբանը ձեռնպահ է մնացել Ռոբերտ Քոչարյանի համար երաշխավորել ցանկացող անձանց անունները, պաշտոնները և ապրելու վայրը նշելուց։

«Ես չասացի պաշտոնյա է, թե պաշտոնյա չէ, կամ որտեղից են նրանք՝ Հայաստանից, թե Ղարաբաղից, չեմ ասի, քանի դեռ իրենք չեն գա և ցանկություն չեն հայտնի»,- նշել է փաստաբանը։

Նա հիշեցրել է, որ Ռոբերտ Քոչարյանի փաստաբանները խնդրել են դատավոր Աննա Դանիբեկյանին լրացուցիչ նիստ գումարել անձնական երաշխավորությամբ ազատ արձակելու համապատասխան միջնորդություն ներկայացնելու համար։ Դա տեղի չունեցավ։ Հաջորդ նիստը տեղի կունենա արդեն հունվարի 9-ին։

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից