Իրավական 

Ոստիկանությունը՝ Հրանտ Բագրատյանի հորեղբոր թոռան դանակահարության մասին

Հունվարի 15-ին, ժամը 20.45-ին, ոստիկանության Նաիրիի բաժին «Նաիրի» բժշկական կենտրոնից հաղորդում էր ստացվել, որ «որովայնի ձախ կողմնային շրջանի ծակած վերք» ախտորոշմամբ բուժօգնության է դիմել 17-ամյա պատանի և հայտնել, որ ընկել է ամրանի վրա: Այս մասին հայտնում են Ոստիկանության մամուլի ծառայությունից:

ՊՊԾ դասակի ծառայողների ձեռնարկած միջոցառումների շնորհիվ պարզվել է, որ Արագյուղ գյուղում, վիճաբանության ժամանակ, նրան դանակահարել է համագյուղացի մի 16-ամյա պատանի:

Նաիրիի բաժնի ծառայողների ձեռնարկած օպերատիվ-հետախուզական միջոցառումների և բացատրական աշխատանքի արդյունքում հունվարի 16-ին, ժամը 09.00-ին, 16-ամյա պատանին ներկայացել է բաժին և տվել խոստովանական ցուցմունք:

Փաստի առթիվ Նաիրիի քննչական բաժնում հարուցվել է քրեական գործ:

Կատարվում է նախաքննություն:

«Հրապարակ»-ի տեղեկություններով՝ տուժողը նախկին վարչապետ Հրանտ Բագրատյանի հորեղբոր թոռն է։

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից