Բաքվի «Օլիմպիական» մարզադաշտում եվրոպական խաղերի բացման արարողության ժամանակ հանդիսատեսը սուլել է, երբ մարզադաշտ է դուրս եկել Հայաստանի հավաքականը։
Շքերթին Հայաստանի թիմը ներկայացված է յոթ մարզիկով, հավաքականի դրոշակակիրն է պատվիրակության ղեկավար Ազգային օլիմպիական կոմիտեի գլխավոր քարտուղար Հրաչյա Ռոստոմյանը։
Հայաստանի հավաքականի կազմում ընդգրկվել է 25 մարզիկ, որոնք կմրցեն տեկվանդո, հրաձգություն, սամբո, ձյուդո, բռնցքամարտ, ազատ ոճի և հունահռոմեական ըմբշամարտի մեդալների համար։
