Շվեդիայի արտաքին գործերի նախարար Կարլ Բիլդտը Վաշինգտոնում սենսացիոն հայտարարություն է արել Ադրբեջանի իշխանությունների դեմ: Ինչպես հաղորդում է «Թուրան» լրատվական գործակալությունը, Բիլդտը կասկած է հայտնել Եվրամիության «Արևելյան գործընկերության» ծրագրում ավտորիտար ռեժիմի պատճառով Ադրբեջանի իշխանությունների ձգտումների ազնվության հարցում:
«Ադրբեջանն առանձնահատուկ պատմություն է: Նրանք նստած են նավթի վրա և ավտորիտար քաղաքական զարգացում են իրագործում, ինչը մեզ համար խնդիր կառաջացնի», -ասել է նա` անցյալ շաբաթ Վաշինգտոնում Վերլուծական խորհրդում ունեցած ելույթում:
Բիլդտը նշել է, որ «Արևելյան գործընկերություն» ծրագիրն այժմ ավելի լուրջ մարտահրավերների է բախվում, քան 2008 թվականին դրա հաստատման ժամանակ:
